تريد ان تعرف وصلات_الحديد؟

طب اول حاجة عاوزين نعرفها أسباب استخدام الوصلات :
• لربط سيخين حديد من نفس القطر ودة في حالة البحور أكبر من 12 م .
• عند وجود قطر حديد تسليح أكبر من 32 مم .
• في حالة وجود كثافة عالية لحديد التسليح زى الأعمدة والكمرات والجدران , نظرا لان الوصلة العادية بتزيد من كثافة الحديد في منطقة الوصل .
• لو احتجنا لنسبة حديد تسليح في الأعمدة أكبر من 4% ولحد 8% .
• في حالة استخدام نظام الطوبار الأملس fair face concrete وعند الحاجة لتنفيذ شريك جديد .
• بنستخدمها كمان في الأبنية التى تصمم لمقاومة الزلازل زى برج خليفة مثلا
• نستخدمها بردو لنظام Slip form الشدات المنزلقة ومطلوب تشريك جديد .
• كمان لو الحداد غلط وقص الحديد , ومسبش طول كافى لربط الأشاير .
• في أعمال ال Repair .
ناخد بالنا ان الوصلات لازم تكون مطابقة للمواصفات وتجتاز اختبار الشد واللى هدفة
ان الوصلة الميكانيكة المكونة من (2 قلاووظ + جلبة ) قادرين على مقاومة إجهاد الشغيل لاجهاد ميقلش عن 125% من اجهاد خضوع الأسياخ .
طب امتى ينجح الاختبار ؟؟ لو حصل كسر في السيخ بالشروط المذكورة دى
لكن لو محصلش ممكن أقبلة بشرط إجهادة ميقلش عن إجهاد الخضوع , والمسافة بين الوصلات متقلش عن 600مم.
طب أنواعها اى ؟؟؟؟
• أول نوع وصلات بالتراكب lab splices :
فكرتها ببساطة إننا هنربط سيخين مع بعض بلحام حديد , لكن هذه الأسياخ بتكون داخل الخرسانة ومادة اللحام بتكون الخرسانة المتماسكة بواسطة bond مع الأسياخ لوجود الأسمنت
بحسبلها طول تماسك ld
لو القطر المستخدم 28 مم فيما أقل ممكن أنهى كل الأسياخ مرة واحدة .
يتم ترتيب أسياخ الوصلة بالتبادل staggered مع استخدام سيخ إضافى بالوصلة .
وعلى الرغم من ان الوصلات بالتراكب هى الأكثر شيوعا واستخداما لكن بردو نسبة أخطائها كبير الإضافة لبطئها في التنفيذ , وإرتفاع نسبة الفاقد في حديد التسليح 0
كما إنها بتستخدم مع نوعية الصلب القابل للحام فقط .
ضيف على كل دة الدقة في الأداء وتوفير العمالة المعتمدة للقيام بأعمال اللحام بكفاءة عالية .
وكل دة بيوصلنا بطريقة غير مباشرة لإرتفاع الأجور وبالتالى زيدة التكلفة الكلية .
• تانى نوع الوصلات الميكانيكية :
بنستخدم فيها نظام التسنين لحديد التسليح بواسطة الالات خاصة thread bar
وتعتبر هذه العملية تقلل من قطر الحديد المستخدم , وتتم على شكل مخروط أو اسطوانى
وسواء كدة أو كدة لازم تحدد يطول معين .
• كمان في طريقة اسمها البراغى :
وهى قليلة الانتشار مقارنة بالتسنين , وتنقل القوة بواسطة البراغى عن طريق الاحتكاك .
نلاحظ تقليل مساحة مقطع التسليح بنسبة 10 % نظرا لوجود فتحتات البراغى .
وتعبر الوصلات الميكانيكية هى الحل الامثل لأنظمة البناء الحديث :
لسهولة تصنيعها وسهولة تركيبها وبالتالى انتاجية عالية في وقت قصير .
عدم ظهور اى بروز أو نتؤء من الأسياخ بعد تركيبها .
تقليل التكاليف وبالتالى تخفيض الفاقد من حديد التسليح .
يتميز هذا النظام بالأمان الكامل طبقا لمقاييس الجودة العالية

شاركه على جوجل بلس

عن المهندس.ناصر رمضان